أرجوك .أرجوك .وين نزعل تحملني .
أرجوك . أرجوك .مافي أنا مني .
قلبي أونيتي صافيه.اونعشق الروح الدافيه
وأنت تحملني .
وين الزعل ما أيسير ..بيني أوبينك ساعه
مرات غير أنغير ..أوعيني أتجي دماعه .
ونقولك رضيني ..ياشوق قلبي أوعيني
أوكيف تشكي مني .
أعرف أني غاليتك ..من دونهم ياغالي .
وأعرف أني حبيتك ..وقدرك أمعايا عالي
أنت النفس للروح ..ياعطر زين أيفوح
غير كيف تبعد عني .
خليك دوم أحذايا ..حتى ان كان أزعلت
وحتى أن طال جفايا ..ومهما حكيت أوقلت
أنت حبيبي ديمه ..وأنت الدفاء والغيمه
نشعر أنك غامرني .
نظم ..عبدالحفيظ المغربي – ليبيا
صحيفة المنبر 